Eldegi barlyq energııa nysany qaýiptiligine qaraı toptarǵa bólinedi – komıssııa otyrysy

ASTANA. QazAqparat - Búgin Qazaqstan Respýblıkasy Prezıdenti Ákimshiligi Basshysynyń birinshi orynbasary Tımýr Súleımenovtiń tóraǵalyǵymen qysqy jylytý maýsymyna daıyndyq jónindegi ortalyq jáne jergilikti atqarýshy organdardyń qyzmetin tekserý jónindegi komıssııanyń birinshi otyrysy ótti. QazAqparat bul týraly Aqordaǵa silteme jasap habarlaıdy.

Otyrys barysynda úzdiksiz jylý berýdi qamtamasyz etý jónindegi jedel jáne júıeli sharalar qarastyryldy.

Jıyn qorytyndysy boıynsha mynadaı tapsyrmalar berildi:
– úsh kún ishinde barlyq energııa nysany keshendi, sonyń ishinde tehnıkalyq jaǵdaıyna qaraı qaýiptilik turǵysynan toptarǵa bólinedi. Neǵurlym osal jylý elektr ortalyqtary men jylý jelileri boıynsha menshik ıeleri, ákimdikter men mınıstrlikter arasynda birinshi kezekte atqaratyn is-áreket jospary daıyndalady;
– óńirlerde jylýmen jáne elektr qýatymen qamtamasyz etetin nysandardyń is júzinde daıyndyǵyn tekserý úshin jedel toptar qurylady;
– Qarjy mınıstri men Qarjylyq monıtorıng agenttigi árbir zańdy tulǵanyń tarıftik smetasy men ınvestıtsııalyq baǵdarlamasyna taldaý júrgizip, kapıtaldy syrtqa shyǵarý yqtımaldyǵyn tekseredi;
– ýákiletti memlekettik organdardyń baqylaý-qadaǵalaý fýnktsııalaryn kúsheıtip, jylýmen jáne elektrmen qamtamasyz etetin nysandardyń menshik ıeleriniń jaýapkershiligin arttyrý úshin salalyq zańdar men zańǵa táýeldi aktilerge engiziletin ózgerister ázirlensin.

Derekköz: www.inform.kz