POWEREXPO ALMATY 2023: ЭЛЕКТР ЭНЕРГЕТИКАСЫ САЛАСЫНДАҒЫ ИННОВАЦИЯЛАРДЫҢ 3 КҮНІ, КӨРМЕГЕ 2 710 КӘСІБИ КЕЛУШІ, 30 СПИКЕР ЖӘНЕ 10 МАМАНДАНДЫРЫЛҒАН СЕССИЯ
ОРТАЛЫҒЫНДА «ЭНЕРГЕТИКА, ЭЛЕКТРОТЕХНИКА ЖӘНЕ ЭНЕРГЕТИКАЛЫҚ МАШИНА ЖАСАУ» - POWEREXPO ALMATY 2023 21-ШІ ҚАЗАҚСТАНДЫҚ ХАЛЫҚАРАЛЫҚ КӨРМЕ ӨТТІ. 2023 ЖЫЛҒЫ КӨРМЕ 2 710 БІРЕГЕЙ КЕЛУШІЛЕРДІ, ӘЛЕМНІҢ 10 ЕЛІНЕН 117 ҚАТЫСУШЫ КОМПАНИЯЛАРЫ ЖӘНЕ КӨШЕ ЭКСПОЗИЦИЯСЫНЫҢ 5 ҚАТЫСУШЫСЫ ӘСЕРЛІ НӘТИЖЕЛЕРДІ, БЕЛСЕНДІ ӨСУДІ КӨРСЕТТІ.
Биыл экспо-шараның ауқымы айтарлықтай артты. Көрме алаңын ұлғайтудан бөлек экспоненттердің құрамы мен олардың географиясы кеңейді, мәселен, қатысушылардың жалпы санының 60% - дебютант компаниялар. Алғаш рет қалың аудиторияға 68 компания өз стендтерін ұсынды. Экспоненттер санының артуы және олар ұсынатын елдердің алуан түрлілігі, сондай-ақ іскерлік бағдарламаның сапалы кеңеюі оқиғаға кәсіби келушілер санының өсуіне тікелей әсер етті.
Қатысушылар өз стендтерінде энергетика, электротехникалық және кабельдік өнімдер саласындағы интеграцияланған шешімдерді; монтаждауға, тестілеуге және өлшеуге арналған жабдықтарды; автоматты жүйелерді, жетек құрылғыларын және жарық жабдықтарын таныстырды. Германиядан келген өндірушілер бір Ұлттық стендтің астына бірігіп, Ресейдің Мордовия, Чуваш Республикасы және Орынбор облысы ұжымдық стендтер ұсынды. 20-дан астам қытайлық компаниялардың болуы Қытайдың қазақстандық нарыққа деген қызығушылығының артып келе жатқанын айғақтайды.
Қ.-Ж. Тоқаев өзінің «Әділ Қазақстанның экономикалық бағыты» атты Қазақстан халқына соңғы Жолдауында: «Электр энергетикасы секторына басты рөл беріледі. Алдағы бес жылда көлемі кемінде 14 гигаватт болатын жаңа энергетикалық қуаттар енгізілетін болады. Қазақстан негізінен электр энергиясын импорттамауға, көрші елдерге тәуелді болуға тиіс. Әрине, жаңартылатын энергетика саласындағы жобаларды іске асыру жалғасады. Гидроэлектростанциялардың дамуына ерекше назар аудару қажет. Энергиямен, жылумен және сумен жабдықтау біртұтас технологиялық өзара байланысты жүйе болып табылады. Оған экономиканың жеке маңызды саласы ретінде қарау керек. Қазіргі тәсіл негізінен таусылды. Бүгінгі күні жаңа шешімдер қажет». Көрменің кеңейтілген іскерлік бағдарламасы энергетика секторын тұрақты дамыту мәселелеріне арналды.
«Энергетикалық секторды орнықты дамыту: тәуекелдер, сын-тегеуріндер, мүмкіндіктер» стратегиялық сессиясы «Атамекен» ҚР ҰКП, «Қазақстан Республикасының инженер-энергетиктер одағы» ЗТБ, Қазақстанның жаңартылатын энергия қауымдастығы, «QazЭСО» Энергиямен жабдықтаушы ұйымдар Қауымдастығы» ЗТБ, «ҚБТУ» АҚ, «Самұрық-Энерго» АҚ, «KEGOC» АҚ, «Қазақстан электр энергетикалық Қауымдастығы» ЗТБ, «Электр энергетикасын дамыту және энергия үнемдеу институты» АҚ, Ғұмарбек Дәукеев атындағы Алматы Энергетика және Байланыс университеті спикерлерінің қатысуымен өтті. Спикерлер Қазақстанның энергетикалық секторының қазіргі жағдайы мен болашағын талқылады. Тұрақтылық, инновациялық шешімдер, инвестициялар және осы саланы реформалау мәселелеріне басты назар аударылды. Пікірталас қарқынды және нәтижелі болды. Сарапшылар энергетика саласында, әсіресе жаңартылатын энергия контекстінде шағын және орта бизнесті дамытудың маңыздылығын атап өтті. Олар сондай-ақ шетелдік инвестициялар мен технологияларды тарту қажеттілігі туралы айтты.
Жалпы, сессия Қазақстанның энергетикалық секторын дамыту үшін жалпы энергия теңгеріміндегі жаңартылатын энергия үлесін ұлғайту, инвестициялар тарту үшін жағдай жасау, инфрақұрылымды жаңғырту және мемлекеттік және жеке секторлар арасындағы ынтымақтастықты нығайту сияқты бірқатар негізгі бағыттарды анықтады.
Қазақстандық энергетиканы дамыту тақырыбын «Энергия үнемдеу. Энергетикалық қызмет көрсету тәжірибесі» Дөңгелек үстелі толықтырды. Онда қатысушылар табысты кейс-стадилерді және энергия сервисі мен ресурстарды үнемдеу саласындағы жағдайларды талдауды қарастырды. Олар сондай-ақ өнеркәсіп пен бизнестегі энергия өнімділігін жақсарту әдістерін талқылады.
Екінші көрме күні, 18 қазанда «Қазақстанда атом энергетикасын дамыту мүмкіндіктері» стратегиялық сессиясы өтті, ол Қазақстанда атом энергетикасын дамыту мәселелері бойынша терең талдау мен диалог жүргізуге мүмкіндік берді, сондай-ақ елдегі осы маңызды саланы нығайтудың ең жақсы жолдарын айқындауға мүмкіндік берді. Қазақстанның атом энергетикасы саласындағы әлеуетін талқылауға, оның бай уран кен орындарын және осы саладағы озық технологиялардың болуын ескере отырып, басты назар аударылды. Спикерлер дұрыс тәсілмен атом энергетикасы Қазақстанның энергетикалық қауіпсіздігі мен орнықтылығын қамтамасыз етудегі негізгі элемент бола алатынын атап өтті. Сессия нәтижесінде Қазақстанда атом энергетикасын одан әрі дамыту үшін ұсыныстар әзірленді, бұл елге әлемдік нарықта осы саладағы көшбасшылар арасында өз орнын алуға мүмкіндік береді.
Сондай-ақ Klinkmann Kazakhstan, Westminster, APS Group Energy, SATEC, PcVue ТМД, ReEnergy Trade, CHINT KZ компанияларының оқыту семинарлары өтті.
Powerexpo Almaty 2023 көрмесі сала қатысушылары мен мемлекеттік басқару органдары арасында нәтижелі қарым-қатынас орнатуға қабілетті, сондай-ақ болашақта саланың даму бағыттарын анықтауға ықпал ететін негізгі салалық алаң ретінде өзінің маңыздылығын тағы да растады.
Powerexpo Almaty 2023 көрмесінің ұйымдастырушысы - Қазақстандық Iteca көрме компаниясы және оның халықаралық серіктесі - ICA Events компаниялар тобы.
Тіркеу Серіктесі - «Силумин-Восток» өндірістік-инжинирингтік компаниясы.
Жол көрсеткіштің Серіктесі - компания BETA IZOL.
Іс-шараға ҚР Энергетика министрлігі, «Атамекен» ҚР ҰКП, Алматы қаласының әкімдігі, «Самұрық-Энерго» АҚ, «KEGOC» Қазақстандық электр желілерін басқару компаниясы, Қазақстан электр энергетикасы қауымдастығы, ҚР инженер-энергетиктер одағы ресми қолдау көрсетті.
